Λέγω δή, καί φημι τὸν ὁτιοῦν ἀγαθὸν ἄνδρα μέλλοντα
ἔσεσθαι τοῦτο αὐτὸ ἐκ παίδων εὐθὺς μελετᾶν δεῖν, παίζοντά τε καὶ σπουδάζοντα ἐν τοῖς τοῦ πράγματος ἑκάστοις προσήκουσιν. οἷον τὸν μέλλοντα ἀγαθὸν ἔσεσθαι γεωργὸν
ἤ τινα οἰκοδόμον, τὸν μὲν οἰκοδομοῦντά τι τῶν
παιδείων οἰκοδομημάτων παίζειν χρή, τὸν δ’ αὖ γεωργοῦντα, καὶ ὄργανα ἑκατέρῳ σμικρά, τῶν ἀληθινῶν μιμήματα, παρασκευάζειν τὸν
τρέφοντα αὐτῶν ἑκάτερον, καὶ δὴ καὶ τῶν μαθημάτων
ὅσα ἀναγκαῖα προμεμαθηκέναι προμανθάνειν,
οἷον τέκτονα μετρεῖν ἢ σταθμᾶσθαι καὶ
πολεμικὸν ἱππεύειν παίζοντα ἤ τι τῶν τοιούτων
ἄλλο ποιοῦντα, καὶ πειρᾶσθαι διὰ τῶν παιδιῶν ἐκεῖσε τρέπειν τὰς ἡδονὰς καὶ ἐπιθυμίας τῶν παίδων, οἷ ἀφικομένους αὐτοὺς δεῖ τέλος ἔχειν. κεφάλαιον δὴ παιδείας
λέγομεν τὴν ὀρθὴν τροφήν, ἣ τοῦ παίζοντος τὴν
ψυχὴν εἰς ἔρωτα μάλιστα ἄξει τούτου ὃ δεήσει
γενόμενον ἄνδρ’ αὐτὸν τέλειον εἶναι τῆς
τοῦ πράγματος ἀρετῆς· ὁρᾶτε οὖν εἰ μέχρι τούτου
γε, ὅπερ εἶπον, ὑμῖν ἀρέσκει τὸ λεχθέν.
Πλάτωνος
Νόμοι, 643 b-d
Λεξιλόγιο
οἷον: για
παράδειγμα
μιμήματα: οι
απομιμήσεις
σταθμᾶσθαι: να
μετρά τη στάθμη χρησιμοποιώντας νήμα
κεφάλαιον:
βασικός σκοπός
Σχόλια