ΕΠΙΜΕΛΕΙΑ: Σόνια Σιούτη
ΠΛΑΤΩΝΟΣ, ΓΟΡΓΙΑΣ, 518e-519b
καὶ σὺ νῦν, ὦ Καλλίκλεις, ὁμοιότατον τούτῳ ἐργάζῃ· ἐγκωμιάζεις ἀνθρώπους, οἳ τούτους εἱστιάκασιν εὐωχοῦντες ὧν ἐπεθύμουν. καί φασι μεγάλην τὴν πόλιν πεποιηκέναι αὐτούς· ὅτι δὲ οἰδεῖ καὶ ὕπουλός ἐστιν δι’ ἐκείνους τοὺς παλαιούς, οὐκ αἰσθάνονται. ἄνευ γὰρ σωφροσύνης καὶ δικαιοσύνης λιμένων καὶ νεωρίων καὶ τειχῶν καὶ φόρων καὶ τοιούτων φλυαριῶν ἐμπεπλήκασι τὴν πόλιν· ὅταν οὖν ἔλθῃ ἡ καταβολὴ αὕτη τῆς ἀσθενείας, τοὺς τότε παρόντας αἰτιάσονται συμβούλους, Θεμιστοκλέα δὲ καὶ Κίμωνα καὶ Περικλέα ἐγκωμιάσουσιν, τοὺς αἰτίους τῶν κακῶν· σοῦ δὲ ἴσως ἐπιλήψονται, ἐὰν μὴ εὐλαβῇ, καὶ τοῦ ἐμοῦ ἑταίρου Ἀλκιβιάδου, ὅταν καὶ τὰ ἀρχαῖα προσαπολλύωσι πρὸς οἷς ἐκτήσαντο, οὐκ αἰτίων ὄντων τῶν κακῶν ἀλλ’ ἴσως συναιτίων.
οἰδεῖ: εξογκώνεται
νεώριον: ναύσταθμος
1. Να μεταφράσετε το απόσπασμα στα νέα ελληνικά.
2. ὅταν οὖν ἔλθῃ… τῶν κακῶν: Να αναγνωρίσετε τον λανθάνοντα υποθετικό λόγο και να τον αναγνωρίσετε συντακτικά.
3. ἐὰν μὴ εὐλαβῇ: Να συμπτύξετε τη δευτερεύουσα πρόταση στο αντίστοιχο είδος μετοχής.
4. καὶ σὺ νῦν, ὦ Καλλίκλεις, ὁμοιότατον τούτῳ ἐργάζῃ: Να μεταφέρετε την πρόταση σε πλάγιο λόγο με την παρακάτω εξάρτηση:
· Οὗτος εἶπε… (με όλους τους δυνατούς τρόπους)
